Norsk English

Konsert og pubkveld med Gjermund Larsen trio

Hardanger folkemuseum

29.10.2011 19:30

Mange fekk med seg konsertane med Gjermund Larsen trio under Hardanger musikkfest i vår. Laurdag 29. oktober kl 19.30 vert det gjennsyn med trioen på Hardanger folkemuseum.

Gjermund Larsen har eit uvanleg breitt emosjonelt register i musikken - frå det briljerande virtuose til det milde og sarte. Tonaliteten i det gamle spelet etter n'Hilmar taklar han på ein meisterleg måte, samtidig som han gjerne flørtar med nye stilar og kastar seg ut i improvisasjonar få gjer han etter.

Gjermund Larsen Trio kom ut med sin første CD, Ankomst, i oktober 2008, og vann med den spellemannspris i kategorien for folkemusikk og gammaldans. Med seg i trioen har Larsen Andreas Utnem på trøorgel og Sondre Meisfjord på kontrabass.

Gjermund Larsen har vunne mange prisar, han har blant anna vunne Landskappleiken klasse A vanleg fele to gonger, som historiens yngste i 2002, og fått Kongepokalen (2005). Gjermund vann Spelmannspris i 2003 med gruppa Majorstuen, og var nominert i samme klasse i 2007. Hadde han delteke meir, hadde nok sigrane vore fleire. Men som den rastlause musikar han er, må han vidare på sin veg gjennom musikken, han har stadig mykje ugjort. Inniblant let han fela kvile og trakterer celloen med like stor eleganse. Gjermund møter gjerne andre sjangrar, og han er alt ein svært røynd samspelar. Men det er aldri tvil om kvar det musikalske heimlandet ligg, det er i folkemusikken og aller mest: i slåttane og visetonane etter Hilmar Alexandersen. Gjermund har spelt i det finsk-norske Frigg, i Christian Wallumrød sekstett, med Odd Nordstoga og Maj Britt Andersen, og bluesmusikeren Reidar Larsen (2006). Gjermund tek diplomstudier ved Norges Musikkhøgskole.

Konserten vert på loftet i dei nyopna kafélokala. Dørene opnar omlag ein time før konsertstart. Det vert sal av småmat og forfriskningar, og etter konserten vert det quiz.

Konsertane på Hardanger folkemuseum vert arrangert i samarbeid med Hardanger folkemusikksamling og med støtte frå Norsk kulturråd.

Logo, Norsk kulturråd